"စောက်" ပေး "ဆောက်" ယူ
လွန်ခဲ့သော ငါးပတ်ခန့်က ကျွန်မ "ကဗျာဘူကေး" စာအုပ်လေးဖတ်နေချိန် တစ်စုံတစ်ယောက်က လာမေးတယ်။ "ဘာဖတ်နေတာလဲ" တဲ့။ ကျွန်မက ရိုးရိုးသားသား "ကဗျာစာအုပ်ဖတ်နေတယ်" ဖြေလိုက်မိပါတယ်။ မထင်မှတ်ထားတဲ့ တုံ့ပြန်စကားက "စောက် ..... " နဲ့ ကဗျာကို အနှိုင်းခံ လိုက်ရတယ်။ ကျွန်မ ရုတ်တရက် တုံ့ပြန်ပြောဆိုဖို့ ဆွံ့အသွားလောက်အောင် ရင်ထဲနင့်ခနဲ ဖြစ်သွားခဲ့တယ်။ အဲ့ဒီနေ့ ကျွန်မ ညနေစာ လွတ်လောက်အောင် ကဗျာကို ၀မ်းနည်းကြောင်း အထိမ်းအမှတ်ပြု နေခဲ့လိုက်တယ်။ တစ်ကယ်ပဲ ကျွန်မဖတ်တဲ့ စာ၊ ကဗျာတွေဟာ အဲ့ဒီလိုစကားလုံးနဲ့ အနှိုင်းခံရလောက်အောင် အောက်တန်းကျနေပြီလားဆိုပြီး ၀မ်းနည်းမိတယ်။ ကဗျာတင်မက အဲ့ဒီကဗျာတွေ ရေးခဲ့တဲ့ ပညာရှင်တွေကိုပါ သိမ်းကြုံးစော်ကား ခံလိုက်ရသလိုပဲ။ ၀င်ငွေရှာနိုင်တဲ့ စာတွေမှ ပညာ၊ အဲ့ဒီပညာတတ်တဲ့ သူတွေမှ ပညာတတ်လို့ သတ်မှတ်သူတွေအဖို့ ကျွန်မဖတ်တဲ့ ကဗျာစာအုပ်တွေဟာ သူတို့မျက်စိမှာ ပညာအဆင့်အတန်း မှီချင်မှ မှီပါလိမ့်မယ်။ ဒါပေမယ့် အဲ့ဒီလို ပညာတတ်တွေကို စင်ပေါ်တက် ဟောပြောနေတဲ့သူတွေထဲမှာ ကဗျာရေးတဲ့သူတွေလည်း ပါပါသေးတယ်။ ဒါ့ကြောင့် စင်္ကာပူက ပညာတတ်တွေတောင် စာပေဟောပြောပွဲတွေ တကူးတက စီစဉ်နေကြတာပေါ့။ ကျွန်မက ဘ၀အတွက်၊ ၀ါသနာအတွက် နှလုံးသား အာဟာရဖြည့်စွက်တဲ့ အနေနဲ့ဖတ်တဲ့ ကဗျာဆိုတော့ ၀င်ငွေမရှာနိုင်တိုင်း ပညာတန်း မ၀င်ဘူးလို့ အသတ်မှတ်ခံလိုက်ရသလိုပဲ။ အဲ့ဒီဖီလင်ရပြီး သိပ်မကြာခင်မှာပဲ တိုက်တိုက်ဆိုင်ဆိုင် ကျွန်မ စာရေးနည်း လမ်းညွှန်သင်တန်း တက်ခွင့် ရလိုက်တယ်။ တစ်လသင်တန်း ပြီးသွားတဲ့အခါ ကျွန်မနဲ့ထိုက်တန်တဲ့ ရလာဒ်တစ်ခု ရလာပါတယ်။ ကျွန်မ အဲ့ဒီကျမှ ထိုသူကို ပြန်သတိရမိတယ်။ တစ်ကယ်တော့ သူပေးခဲ့တာ "စောက် ... " ဆိုတဲ့ စကားတစ်ခွန်းပေမယ့် ကျွန်မသူ့ဆီက လက်ခံယူလိုက်တာ ကျွန်မ ရည်မှန်းချက် ရုပ်လုံးပေါ်ဖို့ မလိုအပ်သည်များ ဖယ်ထုတ်ပေးနိုင်တဲ့ "ဆောက်" တစ်ချောင်းပါပဲ။ သည် "ဆောက်"နဲ့ ကောင်းကောင်း အသုံးချလိုက်နိုင်တဲ့ အတွက် ကျွန်မ စိတ်ကူးပန်းပုလေး ရုပ်လုံးပေါ်လာသလို ခံစားလိုက်ရပါပြီ။ တစ်ကယ်တော့ ပေးသူက ဘယ်လိုရည်ရွယ်ချက်နဲ့ပေးပေး လက်ခံယူသူရဲ့ ခံယူချက်ပေါ်မှာသာ မူတည်တယ်ဆိုတာ "စောက်" ပေး "ဆောက်" ယူကောင်းဖို့ အရေးကြီးပါကြောင်း အမှတ်တရ မှတ်တမ်းတင်ထားလိုက်မိပါတယ်။
(မိဿ မင်းသမီး) | 
No comments:
Post a Comment