[စာပေစကားဝိုင်း] New doc: ဆပ်ကပ် (ဆရာဖေမြင့်)

Saiaipee Shanland posted in စာပေစကားဝိုင်း Saiaipee Shanland created the doc: "ဆပ်ကပ် (ဆရာဖေမြင့်)" လူတစ်ယောက်ရဲ့ဘဝမှာ အကောင်းဆုံးအစိတ်အပိုင်းဆိုတာ မကြီးကျယ်တဲ့၊ အမည်မဖော်တဲ့၊ အမှတ်တရပြုမနေတဲ့ အကြင်နာ၊မေတ္တာ အပြုအမူလေးများပါ။။ (ဝီလျံဝါ့ဒ်စဝပ်)          ကျွန်တော် လူပျိုပေါက် အရွယ်လောက်ကဖြစ်သည်။ အဖေနဲ့ကျွန်တော် ဆပ်ကပ်ပွဲအတွက် လက်မှတ်တန်းစီနေကြသည်။ အတော်ကြာစောင့်ဆိုင်း ပြီးသည့်နောက်တွင် လက်မှတ်ပေါက်နှင့် ကျွန်တော်တို့ကြားမှာမိသားစုတစ်စုသာကျန်လေသည်။           သည်မိသားစုကိုကြည့်ပြီး ကျွန်တော်သဘောကျနေမိသည်။ ကလေးချည်း ရှစ်ယောက်ပါသည်။ တစ်ယောက်မျှ ၁၂ ပြည့် သေးပုံမရ။ သူတို့အသွင်အပြင်တွေကြည့်ရုံဖြင့်ပင် ငွေကြေးပြည့်ပြည့်စုံစုံထဲက မဟုတ်ကြောင်းသိနိူင်သည်။ အဝတ်အစားတွေက အဖိုးတန်မဟုတ်။ သို့သော် သပ်သပ်ရပ်ရပ်ရှိသည်။ ကလေးတွေက အမူအရာ ယဉ်ကျေးသည်။ မိဘများနောက်မှာ နှစ်ယောက် တစ်တွဲ လက်ချင်းချိတ်ပြီး တန်းစီနေကြသည်။သို့သော် နူတ်ကမူ ညဘက်တွင် သူတို့ကြည့်ရမည့် ဆပ်ကပ်လူပြက်များ၊ ဆင်လိမ္မာများနှင့် အခြားပြကွက်များအကြောင်းကို အားတက်သရော ပြောဆိုနေကြသည်။ သူတို့လေးတွေခမျှာ ဆပ်ကပ်ပွဲကို တစ်ခါမျှကြည့်ဖူးကြဟန်မတူ။ သည်ညကတော့ သူတို့ဘဝမှာ တစ်ကယ့်အမှတ်တရည ဖြစ်တော့မည့်ပုံမျိုး။           အဖေနှင့်အမေက အုပ်စုထိပ်မှာ ဝမ်းမြောက်ဂုဏ်ယူသည့်အသွင်အပြင်များဖြင့် ရပ်နေကြသည်။ ကလေးတွေ၏မိခင်က  ခင်ပွန်းသည်၏ လက်ကိုကိုင်လျက် သူ့မျက်နှာရွန်းရွန်းစားစားကြည့်နေပုံမှာ "မေ့ချစ်သူလူစွမ်းကောင်းကြီး" ဟု နူတ်ခွန်းဆက်နေဘိသည့်အလား အထင်ကြီးမှု လေးစားမှုလက္ခဏာတွေ အပြည့်ပါသည်။ ခင်ပွန်းသည်ကလည်း "အားကိုးစမ်းပါ အချစ်ရယ်" ဟု ခွန်းတုန့်ပြန်နေသည့်နှယ် ဂုဏ်ယူသောအပြုံးနှင့် ချစ်ကြည်နူးစွာ ကြည့်သည်။         သည်အခိုက် လက်မှတ်ရောင်းသော အမျိုးသမီးက အဖေလုပ်သူအား လက်မှတ်ဘယ်နှစောင် ယူမလဲလှမ်းမေးသည်။         "ကျွန်တော် ကလေးလက်မှတ် ရှစ်စောင်နှင့် လူကြီးလက်မှတ် နှစ်စောင် လိုချင်ပါတယ်။ အဲဒါမှ ကျွန်တော်တို့ တစ်မိသားစုလုံး လာလို့ရမှာ" ။ သူက တက်တက်ကြွကြွပင် ဖြေသည်။         အမျိုးသမီးက လက်မှတ်ခ နူန်းထားများလှမ်းပြောသည်။ ဇနီးသည်က သူ့ခင်ပွန်းသည် လက်ကိုလွတ်ချလိုက်ပြီး ခေါင်းလည်းငုံ့သွားသည်။ အမျိုးသား၏ နူတ်ခမ်းတွေ တစ်ဆတ်ဆတ်တုန်လာသည်။ သူရှေ့သို့ အနည်းငယ်တိုးကာ "ဘယ်လောက်လဲဗျာ"  ဟူ၍မေးသည်။        လက်မှတ်ရောင်းသော အမျိုးသမီးက ဈေးနူန်းတွေထပ်ပြောသည်။ အဖေလုပ်သူမှာ ပိုက်ဆံအလုံအလောက်မပါ။ သို့သော်  သည်အချိန်ကြမှ နောက်လှည့်ကာ ကလေးတွေကို အဖေ့မှာ ပိုက်ဆံအလုံအလောက်မပါလို့ သည်ည ဆပ်ကပ် ကြည့်နိူင် မှာမဟုတ်ဘူးဟု  သူဘယ်သို့ ပြောထွက်နိူင်ပါမည်နည်း။         ဖြစ်ပျက်ပုံ အလုံးစုံမြင်ကာ ကျွန်တော့်အဖေ အင်္ကျီအိတ်ထဲ လက်နှိုက်သည်။ ဒေါ်လာ ၂၀တန်တစ်ရွက်ထုတ်လာပြီး   နောက်  မြေကြီးပေါ် အသာပစ်ချသည်။ (ကျွန်တော်တို့လဲ ချမ်းသာသူများမဟုတ်ကြောင်း ကြားဖြတ်ပြောလိုပါသည်)         ထို့နောက် အဖေပဲ သည်ပိုက်ဆံကို ပြန်ကောက်ကာ ကလေးများဖခင်ပခုံးကိုပုတ်ပြီး ပြောသည်။ "ဒီမှာ ခင်ဗျ စောစောက ခင်ဗျားအိပ်ထဲက ထွက်ကျသွားတယ်"        အဖေ ဘာလုပ်သည်ဆိုတာ ထိုပုဂ္ဂိုလ်ကောင်းစွာ နားလည်လိုက်ပါသည်။ ဘယ်သူ့ဆီမှာမှ သူလက်ဖြန့်တောင်းခဲ့သည်တော့မဟုတ်။ သို့သော် သည်လိုအသည်းအသန် အရေးတစ်ကြီးအချိန် ဖခင်တစ်ယောက်အနေနှင့် အရှက်ကြီးရှက်ရမည့် အခြေအနေမျိုး ကြုံရအံ့ဆဲဆဲအခြေအနေတွင် မမျှော်လင့်ပဲပေါ်ပေါက်လာသည့် အကူအညီအတွက် သူတစ်ကယ်ပဲ ကျေးဇူးတင်သွားသည်။ အဖေ့မျက်လုံးတစ်စုံကို သူစူးစိုက်၍ ကြည့်သည်။ ဒေါ်လာ ၂၀ တန်ကိုင်ထားသော အဖေ့လက်ကို သူ့လက်နှင့်ဖျစ်ညှစ်ဆုပ်ကိုင်ကာတုန်ယင်သော နူတ်ခမ်းများဖြင့် ကျေးဇူးတင်စကား ဆိုသည်။        "ကျေးဇူးတင်ပါတယ်ဗျာ၊ တစ်ကယ်ကိုကျေးဇူးပါပဲ။ ကျွန်တော့်အတွက်ရော ကျွန်တော့်မိသားစုအတွက်ပါ တစ်ကယ်ကို အဖိုးမဖြတ်နိူင်ပါဘူးခင်ဗျာ" ။ သည်လိုပြောရင်း သူ့ပါးပြင်ပေါ် မျက်ရည်တစ်ပေါက် လိမ့်ဆင်းကျသွားသည်။         အဖေနဲ့ကျွန်တော် ကားဆီသို့လှည့်ပြန်ကာ အိမ်သို့ပဲ မောင်းလာခဲ့ကြသည်။ အဲသည်ည ကျွန်တော်တို့ ဆပ်ကပ်ပွဲသို့ မသွားကြပါ။ သို့သော် သည်ညသည် အချည်းနှီးညတော့ လုံးဝမဟုတ်ခဲ့။။။။   (မူရင်း ။ Dan Clark ၏ The Circus ] (ဆရာဖေမြင့် ဘာသာပြန်သည်) View doc View Post on Facebook · Edit email settings · Reply to this email to add a comment.